X
Jun 05, 2020   01:02 pm
facebook
twitter
you tube
whatsapp
Free Weather Widget
بريد القراء
20-05-2020
رسالة مفتوحة من قلب نقي لكل أستاذ/معلمة ـ بقلم الأستاذ حسين سهيل قرعوني
T+ | T-
 

خلينا السنة الجاي نكون غير
يعني
نفوت أول يوم كزيارة مع التلاميذ 
مش دغري بنزل عليهن بالواجبات

خلينا نفكر غير
مش
إذا تناقرنا مع تلميذ
"أطلع لبرا"
"يا أنا يا أنت بالصف"
"إنزل عند المدير"
"معش بدي ياك عندي"
"أنت ما بتفهم"
"أنت مش من مستواك هالشي"

وغيرها من الأفعال الممنوعة من الصرف/الفهم

خلينا نخاطب القلب وبعدين العقل بيصير شغلي سهلي
خلينا نربي جيل عالحب لأن بيكفينا كراهية
خلينا نربي جيل ع قلب أبيض لأنه قلبن إلنوأ من السواد اللي حولهم
خلينا نكون غير .. خلينا نكون رُسُل سلام
رُسُل حب
رُسُل إنسانية

لأن صعبي كتير تجتمع الرسولية مع السلبية

خلينا إذا شفنا تلميذ متخاذل نساعدو يصير متفاني/متفاءل
خلينا إذا شفنا تلميذ مهمل يصير يعمل واجبه .. وحبة مسك كمان
خلينا إذا شفنا تلميذ ((سئيل)) نساعدو ليفجر موهبته أو يمكن يفجّر دموعه المحصورة من البيت/الحياة/الشغل/الواقع
خلينا إذا شفنا تلميذ مس بوصعية صحيحة نكون نحن عم نصححلو وضعيته

خلينا نكون غير .. مش مثل الباقيين .. خلينا نكون عيلة فيها الخي والبي والبنت والأم والست والجد و و و...ورح نكون ناجحين وبين الغيوم محلقين


وأنت يا تلميذ/ة
كون شخص مسؤول تجاه أهلك بالبيت وأهلك بالمدرسة
كون شخص بتخللي اللي حولك يشوف حالو فيك مش عليك
خللي اللي حولك يغارو عليك مش منك أو يغارو عليك مش يستهبلوك

وأنت لازم تكون الولد الصالح

مش إذا عصَب عليك المعلم تجن ، هيدول أهلك وكل عقدة وإلها حلّي
مش إذا معلم حسيتو شوي قلبو طيب تستغلو بطريقة هيني
مش إذا معلم في نقص بمطرح تتولى التنقيف عليه .. فش حدا منا كامل حتى أنت وعم تحكي عليه تذكر حالك
مش إذا معلم وضعو ع قدو تصير بدك تهدرو

لا لا

أنت لازم تكون هيك

لازم تكون جدّي وتمزح وكتيييير بنفس الوقت وكمان تكون جدّي
لازم تكون مواكب بكل تطور وتجديد على صعيدك الشخصي مش ضروري تنطر حدا من أي جهة كان
لازم تعتمد ع حالك لأن جاي اليوم اللي يجبرك بنفسك ع حالك
لازم تكون منضبط 
لازم تكون مبسوط
لازم تكون مرتاح
لازم تكون نشيط

بس الأكيد ما فيك تكون نبي .. طيتنا واحدة طيبة
لازم تكون مميز .. وكل واحد فينا عندو نقطة بتميزو .. ويمكن تكون كبيرة ويمكن زغيري .. ويمكن قليلي ويمكن كثيري
بس الأكيد
كل واحد فيكن مميز ب شي و بموضع محدد


هيدي الأيام كشفت كل الأقنعة .. المزيفة منها والواضحة وضّحّتها أكثر..ف لازم نشتغل بقلب أبيض وبفكر نقي وبحُب كبير 

كونوا قوايا .. وكونوا مثل ما بتحبو

مثل ما بقلكن دايماً
مثل ما بتحبو
خيكن صديقكن أستاذكن
حسين سهيل قرعوني
يلفت موقع صوت الفرح إلى أنه ليس مسؤولاً عن التعليقات التي ترده ويأمل من القرّاء الكرام الحفاظ على إحترام الأصول واللياقات في التعبير، ويحتفظ بعدم نشر أي تعليق يتضمن قدحاً أو ذمّاً أو تشهيراً أو تجريحاً أو شتائم.
  • ابتسام سويد (السماعيه):تقديم المساعدة
  • خضر سعيد رمضان (فرون):تقديم معاملات و أدوية
  • layal (Abidjan):ya3tikon al3afyeh ya rab
  • عمر النجاري (المغرب):عمري 19 كنت او اليوم راني في الحجر صيحي يمكن لي أيضا ستفاذ
  • bassam mohamad nesse (brasil):بسّام نسر من البرازيل ...تحياتي لأسرة صوت ألفرح و لأهل صور ألأعزاء
  • eljamal (gabon):a7la mawke3 la ntebe3 fe el akhbar men bara lebnen
  • Zainab ghandour (معركة):صوت الفرح كل الفرح ❤️
  • حسين موسى (الجنوب ، معركه):كل الشكر للصوت الفرح
  • ادهم الرفاعي (فلسطين):صوت الفرح الافضل و شكرا صوت الفرح
  • هزار (القصيبه):بشكرصوت فرح وبتمنى لهم التوفيق
  • نجوى جمال (صور):صوت الفرح هوي الفرح كلو و هني اهل المحبي و الفرح
  • نعمان ابو خليل (القليله):نشد على ايديكم ايها الشرفاء
  • محمد (صور):تحية الى كوثر عيسي
  • غدير فرح (الجنوب):تحية لجميع محبي صوت الفرح صوت الجنوب
  • عباس الجواد (قاقعية الصنوبر):من افضل الاذاعات صوت الفرح تحياتي لكم
  • صوت الفرح (صور):لإعلاناتكم على راديو صوت الفرح والموقع الإلكتروني إتصل 07742130
  • صوت الفرح (صور):يمكنكم الإستماع إلى راديو صوت الفرح على الموجة 104.3