حرص جمهور عربض من محبّي النجمة المصرية شيرين عبد الوهاب في الإمارات على التوافد إلى مسرح كوكاكولا أرينا في مدينة دبي لملاقاتها بأوّل حفل لها بعد غياب طويل عن جمهورها.
وبدت شيرين عبد الوهاب سعيدة بعودتها لجمهورها، لدرجة الرقص على إيقاع أغنية “بتونس بيك” للفنانة الراحلة وردة الجزائرية، وتفاعل الجمهور معها بالغناء والرقص والتصفيق الحار.
خلال الحفل كشفت شيرين عن سبب غيابها الفترة الماضية قائلة: “فترة نقاهة كنت في حاجة إليها منذ سنوات، وأسفة أتأخرت عليكم لظروف نفسية أكبر مني»، كما وجهت الفنانة شيرين عبد الوهاب، رسالة لجمهورها من حفلها في دبي، والذي شهد حضور جماهيري ضخم قائلة: «وحشتوني.. خلاص شوشو رجعت.. مش هغيب عنكم تاني أبدًا”.
وقدّمت شيرين عبد الوهاب مجموعة كبيرة من أشهر أغنياتها في الحفل، ومنها أغنية “المترو” التي تؤديها لأول مرة على خشبة المسرح، وأغنيات: “كدابين، على بالي، كلها غيرانة”، وعدد آخر من الأغاني التي تفاعل معها الجمهور بشكل كبير.
وأثناء الحفل سقطت شيرين على المسرح وانفعلت بشدة بعد تعثرها وسقوطها، وقالت: “شوفوا والله.. بجد شوفوا كل فنان حصل معاه موقف زي ده بسبب السماعات دي المفروض تتدفن في المسرح عشان المطرب ميقعش.. ولكن للأسف المنظمين عمرهم ما بيتعلموا”.
وأكملت شيرين حديثها: “لكن عادي ما يقعش إلا الشاطر، بجد حاجة صعبة ودلوقتي بكرا على السوشيال ميديا هيسيبوا كل حاجة وشوفوا شيرين وقعت، أنا المفروض دلوقتي لو أنا مأمنة على رجلي أخد قد إيه من المنظمين، بس يلا معلش، شوفوا اللي بيحصلنا”.
فيما وجهت الفنانة شيرين عبد الوهاب رسالة لمنظمي حفلها في دبي بعد سقوطها على المسرح: “اللي بيحصل مع الفنان ده حرام.. بعدين أنا ليا تصرف تاني.. شيرين رجعت تاني، ثم تابعت ساخرة: “رجلي ازرقت أنا هرفع قضية وأطلب بتعويض كبير.. خلينا نأمن مستقبل العيال”.
و في نهاية حفلها في دبي وجهت الفنانة شيرين عبد الوهاب رسالة لجمهورها قالت فيها: “مديونة ليكم بكلمتين لازم أقولهم، قد إيه حبكم وصل لي وسؤالكم، وإنتو رجعتوني تاني للدنيا، أنا ممتنة جدًا ليكم.. ألف شكر على أي حاجة عملتوها علشاني، ونعم الجمهور ونعم الحب”.
Follow Us:
