رسالة عنيفة من زياد برجي وجهها لـ نادين نسيب نجيم خلال ظهوره ضيفًا في برنامج المجهول مع رودولف هلال، كانت قد أثارت الجدل اليوم على خلفية تغريدة عبرت خلالها عن رأيها في أغنية وبطير التي تسببت في خلاف كبير بينه وبين إليسا وصل إلى ساحات القضاء.
رد زياد برجي على تعليق نادين نجيم قائلًا: ألطم، انتف شعراتي، الله يسامحها، نادين ممثلة لبنانية بحترمها جداً ولا مرة حكيت عنها إلا بكل خير والتقيت فيها مرة ببيت المنتج صادق الصباح كان لقاء جميل جداً”.
زياد برجي لنادين نجيم: احترمي جمهورك واحكي بشي يتعرفي فيه#المجهول@ziadbourji@nadinenjeim pic.twitter.com/FMRoDnKEc1
— Sawt Beirut International (@SawtBeirut) October 9, 2022
وأضاف “صرت عامل تقريبا 10 مسلسلات و6 – 7 أفلام، بـ10 سنوات، وكل ما يسألوني عبر الإعلام عني كممثل كنت دايماً قول أنا بعتبر حالي ضيف على المهنة العريقة وبتمنى أكون ضيف خفيف ولم أعتبر حالي ممثل قصي خولي او نادين الراسي”.
وتابع “هيدا موضوع بدوا تفرّغ، أنا شخص عندي شوية إحساس بالكلمة وباللحن وعندي نغم وقد يكون عندي موهبة التمثيل بس اللي بعرفوا عن التمثيل ما بخوّلني أعطي رأيي بأي ممثل أو مخرج وما سمحت لنفسي إني قول إلا إنك فنانة لبنانية بتبيضي الوجه”.
وجه زياد برجي رسالة إلى نادين نجيم قائلًا: “أول شي طالعة تحكي بالأغاني، كم غنية عملتي؟ أنا قلتلك كم مسلسل وفيلم عملت، وما سمحت لحالي أطلع اتفلسف وأنظّر وأحكي عن شي ليس من اختصاصي، شو بعرّفها بعالم الأغاني؟ هي مطّلعة ولكن مش متخصصة، قد تكون شقة مدام نادين شقة، في حدا ببيع البيت مع احتفاظي بالمطبخ؟ البيع هو التخلي عن الشيء بالمطلق مقابل شيء”.
ردت نادين نجيم على تصريحات زياد مغردة على تويتر ” بس حدا يفهمني شو صاير؟ لانه ما عندي علم بشي وغنية؟ ايا غنية ليش انا بغني”.
بس حدا يفهمني شو صاير ؟ لانه ما عندي علم بشي و غنية ؟ ايا غنية ليش انا بغني ؟ https://t.co/hlRTXiGicZ
— Nadine Nassib Njeim (@nadinenjeim) October 8, 2022
وضح لها المتابعون أنه قصد أحد التعليقات السابقة لها حول جدله مع إليسا بسبب أغنية وبطير فكتبت: “هيدا التعليق شو في شي غلط؟ بتأسف انه انفهم بغير نية مع انه رأي حيادي وفي محبة للطرفين والله يصلحها بيناتن بالنهاية. ورغم يلي قاله صراحة بعدني بحبه وبحب اغانيه وصوته الحلو وهو حر يفهمها متل ما بده”.
صح بس ما بعرف شو صاير ليش فيه كتير حساسية هالأيام ، على كل ما حضرت مقابلة زياد… وانتِ قلتي يمكن في حلقة مفقودة نحنا ما بنعرفها.. ما لازم يزعل.. بس الله اعلم كيف سألوا السؤال يمكن استفزوا pic.twitter.com/WjcAFxU98C
— Maha Daniel 2.0 (@MahaDaniel201) October 8, 2022
بداية القصة بسبب تعليق نادين نجيم على سؤال “انتوا مع فريق إليسا ولا زياد برجي، بصوت مين حبتوها أكتر؟”، فكتبت: “بس ما فيك تسأل هيك لأنوا في بيع وشراء يعني في حقوق وملكية يعني كإنوا بعتك بيتي وجيت سكنت معك.. ما في طرف بالموضوع في منطق وحقوق وواجبات أنا هيك بشوفها، صراحة يمكن يكون في حلقة مفقودة نحنا ما بنعرفها”.
وأضافت نادين في تعليقها “كرمال هيك لازم ما نحكم ولا ناخد طرف أصحاب العلاقة لازم يحلوها، هني بيعرفوا مين الغلطان فيهم، وبحبهم الاثنين كتير وصوتهم رائع والله يصلحها، بيناتهم، لأنه التعاون أثمر عن أغنية كتير حلوة ونجاح كبير للفريقين لازم يستثمروا هل الشي اكتر مش يدمروها”.
صح بس ما بعرف شو صاير ليش فيه كتير حساسية هالأيام ، على كل ما حضرت مقابلة زياد… وانتِ قلتي يمكن في حلقة مفقودة نحنا ما بنعرفها.. ما لازم يزعل.. بس الله اعلم كيف سألوا السؤال يمكن استفزوا pic.twitter.com/WjcAFxU98C
— Maha Daniel 2.0 (@MahaDaniel201) October 8, 2022
بالعربي
Follow Us:
