هلال سقلاوي
ما النا الا بعض.. ما لازم ننطر لنشوف العالم عم تموت جوع، التكافل الاجتماعي مهم جدا بهيدي الفترة و لازم كل ميسور يقوم بواجباته تجاه أهله و ضيعته أو مدينته.
الوضع اكتر من صعب، اذا انت شبعان هيدا ما بيعني أنو كل العالم شبعاني، في ناس ما عندها نقطة زيت ببيتها، في ناس ما عندها غاز، في ناس مش قادرة تجيب دوا، لازم ننسى كل شي فرقنا و كل الاحقاد ، لازم نكون حد بعض و لبعض .
وباء خطير و اقتصاد مدمر و فساد.. امور صعب علينا ننتصر عليها بايام كرمال هيك الأولوية هي تحصين الناس و خاصة الفقراء و اللي صاروا فقراء بهالفترة .
بعرف في عزة نفس عند اهلنا بالجنوب لكن ما لازم ننساهم باي عطاء هيدا حقهم علينا . الله يستر على اهلنا و نخلص من كورونا و من الفاسدين لي وصلونا لهون .
الإنسانية محبة و خوف على الاخر صار لازم نستعمل إنسانيتنا بزمن مات فيه الضمير زمن المسخرة و الظلم .
يا جماعة التكافل الاجتماعي وصية كل الأديان السماوية اذا الزعماء ما رحمونا خلينا نرحم بعض و نوقف جنب بعض .
